فوط المطبخ

فى ناس بتستخدم الهدوم القديمة تى شيرت او بنطلون

لو انتى منهم
انصحك بلاش تستخدميهم
لان شكلهم وحش اوى وكمان اكيد لو جالك ضيف او حد دخل المطبخ اكيد اكيد هتتكسفى من منظرهم
بس ممكن اقولك تستخدميهم ازاى
تجيبى الحاجة القديمة الى عندك وتقصيها قطع صغيرة
وتشيليهم فالمكان المخصص ليهم
حاجة فارت عالبوتوجاز وانتى بتعملى الاكل خدى واحدة منهم امسحى وارمى
حاجة اتدلقت برضو امسحى وارمى
ده هيحافظلك على فوط المطبخ انها متتبهدلش
لكن مينفعش ابدا تبقى دى استخدامك الاساسى
وتعدى تغسلى فيها وتنقعى

فى اختراع اسمه فوط

 شكلها حلو والوانها كمان تحفة
تحسسك كدة بالراحة النفسية
وتفتح نفسك
صدقينى فى حاجات كتير ممكن تسد نفسك من المطبخ من غير ما تاخدى بالك

واخيرا احب اقولكوا على سر من اسرار جمال البيت
لو اى حاجة فالبيت حسيتى انك ممكن تتكسفى من شكلها لو ضيف جالك وشافها
اتخلصى منها فورا وشوفى البديل الى يخليكى رافعة راسك قدام ضيوفك
طبعا كلامى ده مش بالنسبة للفوط ولا المطبخ بس لا اى حاجة حتى وانتى بتنضفى وبتنظمى البيت قبل ما تخرجى مالمكان الى عملتيه اسالى نفسك ينفع حد يشوفه كدة لو لاقيتى الاجابه اه
يبقى انتى كدة اوكيه تمام
لو لا
يبقى اكيد انتى عارفة ايه الى المفروض يتغير او ميبقاش موجود او يتنضف اكتر