تنضيف البيت بنظام ع اكمل وجه وباقل مجهود

كل ست اجبرتها الحياة والمسئوليات على الاهمال بعض الشئ فى بيتها من الضغوط الى عليها (بيت واكل واطفال وغسيل ومذاكرة ولادها ومدارس)تعالى اقولك تعملى ايه عشان بيتك يبقى نضيف ع طول ومن غير تعب وهدة حيل

بصى بقى اول حاجة تعمليها بعد متنزلى ولادك ويروحوا المدرسة تنضفى البيت عادى خالص يعنى تروقيه وتكنسيه ماعدا اوضة واحدة بس تسيبيها فى الاخر
تيجى بقى بعد متخلصى الى قولتلك عليه ادخلى الاوضة الى الى انتى سبتيها

1- نضفى الشباك الى فيها او البلكونة ولو بلكونة امسحيها 

2-اطلعى فوق كرسى عشان تنضفى فوق الدولاب طبعا مش هتطولى لانه بلكار اتصرفى وحطى اى حاجة تخليكى تطولى مخدات او شلت ونضفيه كويس اوى طبعا هتلاقى بلاوى سودة عادى معلش امسكى فوطة صغيرة مبلولة ويستحسن يبقى معاكى طبق فيه مايا ممكن تضيفى ليها ديتول او خل او اى مطهر وتغسلى الفوطة فيه كل ما تتوسخ لحد ما ينضف خالص وافرشى فوقيه مشمع او جرايد
3- اعملى تحت السرير ونضفيه كويس

4-لمعى الخشب كله حتى باب الاوضة

5 غيرى الملايه

6-لمعى المرايات

7- امسحى الاوضة وافرشى السجاد

ومبروك عليكى اول اوضة من غير كروتة واقل مجهود ويومك لسه فيه وقت
وكل يوم تعملى كدةالشقة عادى واوضة 
اه نسيت اقولك كمان بعد ملتخلصى كل حاجة وراكى وترتاخى خالص رتبى اى درج او ضلفة دولاب 
صدقينى هو اسبوع وهتلاقى شقتك كلها بتلمع ونضيفة من برة ومن جوة
ومتنسيش كمان يا حبيبتى وانتى بتنضفى ارمى اى حاجة مش لازماكى واى كراكيب ولو فى هدوم مش بتلبسيها ومحطوطة فى الدولاب للعرض فقط اديها لحد يكون محتاج اهو تروقى الدنيا وتكسبى ثواب