طبعا كل يوم نفس السؤال اعمل اكل ايه النهارده ؟
بقت حاجه ممله صح ..... تعالى نخلص من السؤال دا
ياسلام لما كل يوم كدا تقومى وتبقى عارفه النهارده هتعملى اكل ايه
مش كل الى يقولك صباح الخير تردى اعمل اكل ايه النهارده
بصى ياستى انا هاعملك حته جدول وفى الاخر هاقولك تنظمى الشهر ازاى خليكى معايا للاخر مش هاتخسرى حاجه
اكلات شعبية
كشرى_عدس بالارز الاصفر والبيض _شوربه عدس _فول وشكشوكه وبطاطس محمره وبابا غنوج
صوانى بالفرن
صنيه بطاطس بالفراخ او اللحم _صنيه مسقعه ومكرونه_صنيه خضار باللحم المفروم او الفراخ _مكرونه بشامل _كوسه بالبشامل _كانيلونى_صنيه لحم بالبصل _صنيه جلاش باللحمه او الجبنه _طاجن فريك باللحم او البانيه او الكبد
اكلات سريعة
بيتزا _بانيه _شيش طاووك _كفته مشويه _كبده بانيه او اسكندرانى _فراخ مشويه او مقطعه ومقليه بطريقه كنتاكى وبطاطس محمره وطبعا كل الاكلات دى جنبها مكرونه او ارز بسمتى بالبسله او ساده او بالكبد _سمبوسك_حوواشى
المحاشى
ورق عنب -باذنجان_كرنب _كوسه _فلفل_بطاطس محشيه لحم مفروم
الخضار
اطبخى اى صنف خضار بتحبيه كوسه بسله باميه فاصوليا او لوبيا وممكن طبعا تعمليه طواجن
الاسماك
صنيه سمك _سمك مقلى _فليه_مشوى _وجمبرى صنيه او مقلى او ارز بالجمبرى _ملوخيه بالجمبرى
ملحوظة
بصى ياستى انتى كل اسبوع تاخدى من كل قسم اكله وكدا يبقى عندك 6 اكلات بالاسبوع وطبعا فى اصناف بتقعد يومين يعنى فى الاسبوع تختارى اكله شعبيه يوم وصنف من الصوانى يوم وصنف من الخضار يوم وصنف من الاسماك يوم وهكذا
ممكن كمان تعملى جدولك الشهرى مره واحده تكتبى لكل اسبوع 6 اصناف متنوعه مابين الاقسام الى فاتت وطبعا زى ماقولت ممكن مش تعملى ال6 لان فى اكلات بتكفى يومين يارب اكون عرفت افيدكم يابنات مش هاتقولى تانى اعمل اكل ايه النهارده
طبعا دى مش كل الاكلات انا بس قسمتها اقسام وانتى زودى الى تفتكريه
اطبعى او اكتبى الموضوع عشان يسهلك
ممكن كمان تعملى جدولك الشهرى مره واحده تكتبى لكل اسبوع 6 اصناف متنوعه مابين الاقسام الى فاتت وطبعا زى ماقولت ممكن مش تعملى ال6 لان فى اكلات بتكفى يومين يارب اكون عرفت افيدكم يابنات مش هاتقولى تانى اعمل اكل ايه النهارده
طبعا دى مش كل الاكلات انا بس قسمتها اقسام وانتى زودى الى تفتكريه
اطبعى او اكتبى الموضوع عشان يسهلك
ليست هناك تعليقات:
إرسال تعليق