معمقنى شكرا(جدول تنظيف وتنظيم البيت2)

اولا

طبعا احنا متفقين اننا نظبط البيت على اد ما نقدر قبل ما ننام

ثانيا

تجيبى نوتة حلوة كدة عشان تكتبى فيها كل المهام بتاعة اليوم وتحدديها بوقت

وكل ما تخلصى مهمة تعلمى صح

وكمان تكتبى فيها قايمة بمشترياتك والنواقص الى فالبيت

ودى قايمة مشتريات مفصلة
ممكن تعملى واحدة زيها وتلزقيها عالتلاجة عشان تدونى فيها اول باول النواقص

ولو حاجة عاوزة تتغير زى لمبه اتحرقت مثلا
او اى حاجة بايظة
عشان متنسيهاش وتتراكم عليها حاجات تانية

ثالثا

الانتظام فى الصلاة والمحافظة على صلاة الفجر فوقتها
والاذكار وصلاة الضحى
وقراة القران وحفظ ما تيسر لكى

رابعا

العنايه بنفسنا
لازم كل يوم تعتنى بنفسك حتى لو بحاجة بسيطة
يوم مثلا مسك للوجه ويوم للشعر ويوم تعتنى برجلك وضوافرك وهكذا مينفعش يعدى يوم متعمليش فيه اى حاجة من دول لان ده صدقينى والله بيفرق جدا مع نفسيتك
وطبعا لازم الشاور كل يوم
وزى ما بتهتمى بالبيت وتنضفيه وتعطريه ادى لنفسك جزء من الاهتمام ده

لازم تفهمى انك ام وزوجة مش خدامة

خامسا

اهتمى بولادك وخصصيلهم وقت للمذاكرة والترفيه والعناية بنضافتهم
وكمان وقت لجوزك
لازم تحسنى علاقتك معاه وتهتمى بادق تفاصيله وهدومه وحاجته الشخصية
اعملى نظام لنوم ولادك وعوديهم ينامو بدرى عشان يبقى فى وقت تقدرى تعدى مع جوزك فهدوء

سادسا

اهتمامنا ببيتنا فى التنظيم والنضيف
مينفعش بيتك يبقى نضيف من برة ومن جوة يعلم الله
ههههههههههه

لازم تعرفى كل ما البيت يكون منظم كل ما حافظتى عليه لاطول وقت عشان الناس الى مهما تنضف تقول ولا كانى عملت حاجة وده طبعا عشان الدواخل مش منظمة ومرتبة بطريقة حلوة

واول حاجة فالتنظيم لازم يبقى معاكى 3 اكياس وانتى بترتبى اى دولاب او درج

كيس للى هيترمى عالزباله

وكيس للى هيطلع صدقة وكيس للى عاوز يتصلح او يتخيط

طبعا الى هيترمى اومى جرى عالزباله عشان مترجعيش فكلامك وترجعى منه حاجة

والصدقة يتوزع على طول وما اكتر الناس المحتاجة

والى هيتخيط خصصى وقت فيومك ولو ربع ساعة وانجزى فيها اى حاجة من الى فالكيس

تمام كدة

نيجى بقى للتنضيف

ونظامنا الجديد هينقسم اتنين

الروتين اليومى (وده طبعا كلنا فيه زى بعض)

المعاميق

نيجى بقى لواحدة واحدة

الروتين اليومى

1-المطبخ طبعا نضيف من بالليل هتمسحيه هتطلعى الى هتعمليه من الاكل عشان لو متجمد يفك وتغسلى مواعين الفطار
والحمام تغسلى الحوض والبانيو والقاعدة(اعزكم الله) وتمسحى الارض
2-تهوية البيت
3-تلميع البيت وتوضيب السراير
4-هنعدى عالدواليب والادراج نعدل اى حاجة اتلغبطت مكان ما سى السيد طلع هدوم او ولادك لغبطوا حاجة
5-كنس ومسح الظاهر من الارض
6-بخرى بقى وعطرى
ده بقى بالكتير ساعتين 

المعاميق

وده جزئين (اسبوعى وشهرى)

وهنا بقى الجديد

الجدول الاسبوعى

السبت

تنظيم وترتيب كل الدواليب والادراج الى فى البيت

الاحد

تزعيف البيت باكمله

الشبابيك او البلكونات

فوق الدواليب

الاتنين

الحوائط بما فيهم سيراميك الحمام والمطبخ

الثلاثاء

تلميع الخشب والاسطح

الاربعاء

كنس ومسح الارض

وغسيل السجاد عالناشف

الخميس

تنضيف قماش الكراسى(انتريه وصالون وسفرة)

الجمعة

راحة طبعا زى ما متعودين

الجدول الشهرى

حنوقف الجدول الاسبوعي اخر اسبوع من الشهر و نشتغل الجدول الشهري

السبت : مسح دواليب المطبخ من الداخل و فرزها وفرز الطعام الموجوده باللثلاجه و غسل التيربو

الاحد : مسح النيش و المكتبات من الداخل و مسح النجف

الاثنين غسل المطبقيات و جميع الاجهزة والشفاط

الثلاثاء مسح تحت السراير وغسيل الشبابيك

الاربعاء : غسيل الستائر و قطع السجاد و سجاد المطبخ لو في اي حاجه منهم محتاجه تتغسل .. و غسل البلكونات

الخميس: ما تبقى