جدول تنضيف قبل العيد

ان شاء الله فاضل 10 او 9 ايام على رمضان ودول كافيين اوى وخصوصا للناس الى نضفت ونظمت قبل رمضان

الحمد لله انا شيلت البيت وهبدته من ساسه لراسه 

بس طبعا فى حاجات لازم تتعمل تانى

انا فكرت فجدول يكون مريح ومنجز عشان نفضى لنفسنا اخر يومين 

الجدول ان شاء الله هيبدا من بعد بكرة 21 رمضان

اليوم الاول

تزعيف الاسقف

فوق الدواليب

البلكونات والشبابيك

ولو النجف مش نضيف يتعمل

بعد كدة كل يوم اوضة هنعمل فيها الاتى

تلميع الخشب
تلميع الزجاج والمرايا
الاماكن الى مش نضيفة فالحيطة
الباب
تغيير الملايه
كنس ومسح الارض

المطبخ

السيراميك
الشفاط
مسح الارض

التواليت

السيراميك
القاعدة
الحوض
البانيو
مسح الارض

شوفى بقى تحبى تفرشى امتى انا عن نفسى احب افرش قبلها بيومين عشان افضى لنفسى مانا لازم ابقى موزة

بس بغير الملايات تانى يوم الوقفة